सुर्खेत– सिद्घार्थ बैंक लिमिटेडले यूकेएड सक्षम एक्सेस टुफाइनान्सको साझेदारीमा सुर्खेतको वीरेन्द्रनगरमा वित्तीय साक्षरता कार्यक्रम सम्पन्न गरेको छ । उक्त कार्यक्रम साना तथा मझौला व्यापारीलाई विशेष गरी बैंकिङ्ग कर्जा सम्बन्धी जानकारी जस्तै व्यवसाय दर्ता, व्यापार योजना, वित्तीय व्यवस्थापन, कर्जा व्यवस्थापन, व्यापार विस्तार, बैंकिङ्ग प्रणाली, करआदिका महत्वपूर्ण जानकारी प्रदान गर्ने उद्देश्यले गरिएको थियो । कार्यक्रममा ५० भन्दा बढी साना तथा मझौला व्यापारीहरू सहभागी थिए । देशभरि सबै क्षेत्र र वर्गको साना तथा मझौला व्यापारीलाई प्रोत्साहन, सचेतना र सशक्तिकरण गर्ने उद्देश्यले बैंकले यस किसिमका वित्तिय साक्षरता कार्यक्रमहरू सञ्चालन गर्दै जाने बताएको छ ।
