काठमाडौं - चालू आर्थिक वर्ष २०७९/८० को ११ महिनाको अवधिमा नेपालबाट ४० करोड ४९ लाख रुपैयाँभन्दा धेरैको यार्सागुम्बा निर्यात भएको छ । भन्सार विभागको तथ्यांकअनुसार साउनदेखि जेठ महिनासम्मको अवधिमा उक्त मूल्य बराबरको यार्सागुम्बा विदेश निर्यात भएको हो ।
यस अवधिमा नेपालबाट जम्मा ६२७ किलो यार्सागुम्बा निर्यात भएको छ । यसको अर्थ प्रतिकिलो ६ करोड ४५ लाख रुपैयाँमा यार्सागुम्बा विदेशतर्फ निर्यात भइरहेको छ । हाल नेपालबाट विश्वका एक दर्जन मुलुकमा यार्सागुम्बा निर्यात भइरहेको छ ।
सबैभन्दा धेरै हङकङमा १८ करोड ८७ लाख रुपैयाँको यार्सागुम्बा निर्यात भएको विभागको तथ्यांकले देखाउँछ । यस्तै, कम्बोडियामा १२ करोड ४० लाख रुपैयाँ बराबरको यार्सागुम्बा निर्यात भएको तथ्यांक छ ।
यसबाहेक, भियतनाममा ४ करोड ५३ लाख रुपैयाँको यार्सागुम्बा निर्यात हुँदा सिंगापुरमा १ करोड ३१ लाख रुपैयाँको निर्यात भएको छ । यसबाहेक, चीन, फ्रान्स, जर्मनी, इटाली, दक्षिण कोरिया, मलेसिया, बेलायत र अमेरिकामा समेत निर्यात हुने गरेको छ ।
प्रकाशित मिति: शनिबार, असार १६, २०८० १४:५१
