काठमाडौं- नेपाली कांग्रेस केन्द्रीय कार्यसमितिको बैठक स्थगित भएको छ।
आज दिउँसो १ बजेका लागि बोलाइएको बैठक आगामी साउन २ गते दिउँसो १ बजे बस्ने गरी स्थगित गरिएको कांग्रेसका कार्यवाहक मुख्य सचिव डा. प्रदिप पराजुलीले जानकारी दिए।
प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहालपत्नी सीताको निधन भएपछि आजका लागि बोलाइएको बैठक स्थगित गरिएको जनाइएको छ। सीताको आज बिहान नर्भिक अस्पतालमा निधन भएको हो।
कांग्रेस केन्द्रीय समिति बैठक भदौपछि पहिलोपटक बस्न लागेको थियो। लामो समयदेखि बैठक नबोलाइएको भन्दै नेतृत्वको चर्को आलोचना भइरहेको छ।
आगामी साउन २ गतेका लागि तय गरिएको बैठकमा केन्द्रीय कार्यसमितिका पदाधिकारी एवं सदस्यहरूको उपस्थितिका लागि निर्देशानुसार अनुरोध गरिएको छ।
