काठमाडाैं -नेपाली चलचित्र सफल हुनुको एक महत्त्वपूर्ण कारण गीत–संगित मानिन्छ । दर्शकलाई हलसम्म ल्याउन गीत–संगितले प्रचारप्रसारको भूमिका निर्वाह गर्दै आएको छ । पछिल्लो समय ‘भिडियो शेयरिङ साइट’ टिकटकमा समेत गीत–संगितत लोकप्रिय हुने गरेको छ ।
‘प्रेम गीत’, ‘नाई नभन्नु ल’, ‘म यस्तो गीत गाउँछु’ लगायत चलचित्रमा गीत–संगितत झै कथावस्तुले चर्चा पाउन सकेन । प्रचारप्रसारको सशक्त माध्यम मानिए पनि केही समययता भने गीत–संगिततमा उल्लेख लगानी भएको पाइँदैन । गीत–संगिततमा गरिने लगानी अझै बढ्नु पर्ने संगिततकार अर्जुन पोखरेलले बताए ।
“चलचित्रमा हुने गीत–संगितत जति सुन्दर भयो त्यति नै चर्चा हुन्छ । गीत अनुसारको दृश्य हुनु जरुरी छ । एकलरूपमा आउने गीतिसङ्ग्रहमा भने त्यो लागू छैन”, संगिततकार पोखरेलले भने । निर्देशक पुर्नेन्दु झाले चलचित्रको पहिलो पचार नै गीतमार्फत हुने बताए ।
“चलचित्रको प्रचारप्रसार सुरु नै गीतमार्फत गर्ने प्रचलन छ किनकि यसले पहिलो प्रभाव पार्छ । त्यसपछि अन्य ट्रेलर लगायतका सामग्री सार्वजनिक गर्ने गरेका छौँ”, निर्देशक झाले भने । उनले आफू निर्देशित पहिलो चलचित्र ‘संरक्षण’ को गीतको लागि होलीको माहोल सिर्जना गरेका थिए ।
निर्देशक प्रदीप भट्टराई पनि गीत–संगिततलाई महत्त्वका साथ चयन गर्नुहुन्छ । उहाँ निर्देशित ‘जात्रा’, ‘शत्रु गते’, ‘जात्रै जात्रा’ को सफलताको श्रेय गीत–संगिततलाई पनि जान्छ । उल्लेखित चलचित्रको संगितत कर्ण प्रिय बनेका थिए । “हामीले कथाअनुसार नै गीत राख्ने गरेका छौँ । केही आफ्नै र केही बजारले निर्देशित गरेका गीत संगिततलाई समेट्ने गरेका छौँ”, निर्देशक भट्टराईले भने । गीत–संगितत लोकप्रिय नभएका चलचित्रहरू असफलसमेत भएका छन् । केही थोरै चलचित्र छन्, जसमा गीत–संगिततको आवश्यकता देखिएको छैन ।
प्रकाशित मिति: बुधबार, साउन ३, २०८० ०६:४३
