काठमाडाैं - 'टिकटक' नामक नयाँ गीतको म्युजिक भिडियो सार्वजनिक भएको छ । लन्डन निवासी चर्चित मोडेल एल्बम गायिका अनिता लिम्बुले नयाँ गीत 'टिकटक'को म्युजिक भिडियो सार्वजनिक गरेकी हुन् ।
अनितालाई हट अवतारमा प्रस्तुत गरिएको गीतको भिडियोलाइ लण्डनको चर्चित वाकम्यान्स स्टुडियोले निर्देशन गरेको हो। अनिताको नै शब्द र संगीत रहेको गीतलाई विषम आचार्यको एरेन्ज रहेको छ ।
लन्डनमा आयोजना हुने अधिकांश र्याम्प सोहरुमा विदेशी मोडलहरुसँग मजाले प्रतिस्पर्धा गरेर नेपालीको पहिचान राख्दै थुप्रै उपाधीहरु पनि जितिसकेकी गायिका एल्बम मोडेल अनिता लिम्बुले यसअघि पनि धेरै म्युजिक भिडियोमा अभिनय गरिसकेकी छिन्।
भिडियोलाइ मोडेल एल्बम गायिका अनिता लिम्बुको युट्युब च्यानल (Anita Limbu) बाट सार्वजनिक गरिएको हो ।
