काठमाडौं - धितोपत्र ब्रोकर्स एशोसिएसन नेपालले विश्व लगानीकर्ता सप्ताह २०२३ को अवसरमा सप्ताह मनाउन लागेको छ । ब्रोकर्स एशोसिएसनले विश्व लगानीकर्ता सप्ताह २०२३ को अवसरमा साताव्यापी विभिन्न कार्यक्रमहरु सञ्चालन गर्न लागेको हाे ।
ब्रोकर्स एशोसिएसन नेपालले उक्त कार्यक्रमको विभिन्न चरणका कार्यतालिका पनि सार्वजनिक गरेकाे छ। पहिलाे चरणमा असोज १६ देखि १९ गते सम्म निम्नानुसारको कलेजहरुमा शेयर सचेतना तथा तालिम कार्यक्रम गर्ने भएको छ। असोज १६गते रिलायन्स कलेज, सरस्वतीनगर, काठमाडौंमा कार्यक्रम गर्ने भएको छ। असोज १७गते भने क्यातफोर्ड इन्टरनेशनल कलेज, बालकुमारी, ललितपुरमा कार्यक्रम गर्ने भएको छ। यसैगरी असोज १८ गते सेन्ट्रल डिपार्टमेन्ट आफ म्यानेजमेन्ट, त्रिभुवन विश्वविद्यालय, किर्तिपुरमा र असोज १९ गते पनौति नगरपालिकामा कार्यक्रम गर्ने भएको हाे ।
ब्रोकर्स एशोसिएसन नेपालले दाेस्राे चरणमा वाकाथन कार्यक्रम गर्ने भएकाे छ । यही असोज २० गते शनिबार विहान ८ बजेबाट नेपाल धितोपत्र बोर्डका अध्यक्ष रमेश कुमार हमालज्यूको नेतृत्वमा व्यानर तथा प्लेकार्ड सहित भृकुटि मण्डपबाट बसन्तपुर दरबार स्क्वायर सम्म पुगेर भेलामा परिणत भई समापन गरिने भएकाे छ ।
ब्रोकर्स एशोसिएसन नेपालले साताव्यापी विश्व लगानीकर्ता सप्ताह २०२३ समापन तथा अन्तरक्रिया कार्यक्रममा गर्ने भएका छ । असोज २१ गते दिउँसो ३ बजेबाट नेपाल धितोपत्र बोर्डको अध्यक्ष रमेश कुमार हमाल प्रमुख आतिथ्य तथा नेपाल स्टक एक्सचेन्ज लिमिटेडका प्रमुख कार्यकारी अधिकृत कृष्ण बहादुर कार्की तथा सिडिएस एण्ड क्लियरिंग लि.का प्रमुख कार्यकारी अधिकृत पूर्ण प्रसाद आचार्यज्यूहरुको आतिथ्यमा साताव्यापी लगानी सप्ताह कार्यक्रमको विसर्जन तथा पूँजी बजार विकास सम्बन्धमा अन्तरक्रिया कार्यक्रम गर्ने एशोसिएसनका अध्यक्ष सागर ढकालले बताएका छन् ।
