काठमाडौं- अञ्जु पन्तले गाएको हिन्दी गीत सार्वजनिक भएकाे छ । बहुचर्चित गायिका अञ्जु पन्तको स्वरमा प्रेम र रोमान्सले भरिएको 'जिन्दगीकी राहो मे' बोलको हिन्दी गीतको भिडियो सार्वजनिक भएको हो ।
वरिष्ठ गायक तथा संगितकार नागेन्द्र श्रेष्ठको संगीतमा रहेको सार्वजनिक गीतका शब्द भने आयुष्मानका हुन् । जसमा राहुल प्रधानको एरेन्ज रहेको छ । पर्यटर्कीय स्थल खप्तडमा छायांकन गरिएको भिडियोमा एक प्रेमील जोडीको रोमान्टिक प्रेमको रमाइलो किस्सालाइ देखाइएको छ ।
भिडियोमा मोडलद्धय मिसेल घिमिरे र आरके परियारको बेजोड अभिनय देख्न सकिन्छ । छानेर मात्रै निकै कम भिडियोको निर्देशन गर्ने निर्देशक गौरव गिरीले हिन्दी गीत जिन्दगीकी राहो मेमा निकै मेहेनत गरेको देखिन्छ ।
भिडियो रिलिज गरेको केही घण्टामा नै राम्रो प्रतिक्रिया आइरहेको निर्देशक गिरीले बताए । भिडियोको छायाकंन बसन्त कुँवर र सन्तोष कुँवरले गरेका हुन् । श्याम कुँवरले कलरिङ गरेको भिडियोको सम्पादन भद्र जंग कुँवरले गरेका हुन् । भिडियो संगीतकार श्रेष्ठकै अफिसियल च्यानलबाट बजारमा आएको हो ।
