काठमाडौं– प्रेम संसार, प्रेम जीवन, प्रेममा अडिएको सृष्टि, जहाँ भगवानदेखि मान्छे, मान्छेमा मात्रै नभएर पशुपंछी होस् या सजिव प्राणी सबैलाई चाहिने कुरा भनेकै माया अर्थात प्रेम हो ।
माया प्रेमकै कुरा गर्नुपर्दा, नेपाली गीतसंगीत र सञ्चार क्षेत्रमा धेरै समयदेखि निरन्तर लाग्दै आएकी गायिका योजना पुरीको स्वरमा कवि, गीतकार एवम् साहित्यकार सुरेन्द्र महर्जन ‘अमर’को रचनामा राम कार्कीको एरेन्ज तथा संगीत रहेको ‘आउन माया बसी देऊ यो दिलमा तिम्रै लागि साँच्या छु जोवन’ बोलको मायामा अल्झिएर नयाँ संसारको कल्पनामा हराउने मनमा सपनाहरू देख्ने हृदय स्पर्शी गीतको भिडियो सार्वजनिक भएको छ ।
राजु श्रेष्ठले निर्देशन गरेको उक्त गीतको भिडियोमा सुपा खनाल र सुरेन्द्र महर्जनको अभिनय रहेको छ । उक्त गीत युवा पुस्तालाई लक्षित गरेर बजारमा ल्याइएको स्रजकले बताएका छन् । आम दर्शक एवम् स्रोताको धुकधुकी बन्न सक्ने रचनाकारले बताए । सुरेश बज्राचार्यको छायाङ्कन तथा सम्पादन रहेको गीतको भिडियोमा मनिषा भट्टराईको शृंगार रहेको छ ।
प्रकाशित मिति: मंगलबार, फागुन १३, २०७६ ०६:३०
