दैलेख – मंगलबार बिहान कर्णाली राजमार्गअन्तर्गत कालिकोटको नरहरिनाथ गाउँपालिकाका–१ को जिते बजारमा कर्णाली नदीमा जीप खसेको छ । जिल्ला प्रहरी कार्यालय कालीकोटका प्रहरी प्रमुख श्यामबाबु ओलियाका अनुसार रासकोटबाट जितेगडा यात्रु लिएर आएको लु१ज ४१४१ नंको जीप फर्किने क्रममा कर्णाली नदीमा खसेको हो । दुर्घटना भएको जीपमा चालक मात्र रहेको प्रहरीले जनाएको छ । जिल्ला प्रहरी कार्यालय कालिकोटको अनुसार जीप नदीमा खस्दा दैलेख गुराँसे गाउँपालिका–४ का १९ वर्षीय चालक चक्रबहादुर खड्काको मृत्यु भएको हो । नदीमा खसेको जीप निकाल्ने प्रयास भने जारी नै छ ।
प्रकाशित मिति: मंगलबार, फागुन १३, २०७६ ०८:४८
