काठमाडौं – गायक बुद्ध लामाले 'परेलीमा लुकाई राखन' बोलको म्युजिक भिडियो सार्वजनिक गरेका छन् । गायक बुद्ध लामाले प्रेमिल शैलीको 'सुमधुर स्वरमा 'परेलीमा लुकाई राखन' बोलको म्युजिक भिडियो सार्वजनिक गरेका हुन् ।
प्रेमिल शैलीको यस गीतमा गायिका अस्मिता अधिकारीले आफ्नाे सुमधुर स्वरले गायक लामालाई साथ दिएका छन् ।यस गीतमा बिष्णुबाबु देवकोटाको शब्द रहेको छ।
टिका दाहालले संगीतवद्द गरेको यस गीतलाई राहुल प्रधानले संगीत संयोजन गरेका हुन्।अस्ट्रेलियाको विभिन्न रमणीय ठाउँहरुमा छायाँकन गरिएको यस गीतको भिडियोमा दिपक परियार र बबिशा पाण्डे बीचको अन्स्क्रिन प्रेम र रोमान्स देख्न सकिन्छ।
संजय सेन्चुरीको छायाँकन,सम्पादन र निर्देशनमा भिडियो तयार पारिएको हो। मोमो सेन्ट्रलले निर्माण गरेको यस गीतको भिडियोलाई 'बाबा फिल्म प्रडक्शन' नामक युट्युव च्यानल मार्फत भिडियो सार्वजनिक गरिएको हो।
