काठमाडौं — मिस नेपाल–२०२० का लागि आवेदन फर्म खुलेको छ । मिस नेपालको आयोजना गर्दै आएको हिडन ट्रेजरले सोमबारदेखि मिस नेपालमा भाग लिनका लागि आवेदन खुला गरिएको जनाएको छ ।
मिस नेपाल प्रतियोगितामा भाग लिन चाहनेले मिस नेपालको आधिकारिक वेबसाइट मिसनेपाल डटकम डटएनपीमा गएर आवेदन दर्ता गर्न सक्नेछन् ।
मिस नेपालको अडिसन फाराम निःशुल्क भर्न सकिने छ । आयोजकका अनुसार सन् २०२० मे १५ मा मिस नेपाल घोषणा गरिनेछ । नेपालभरमा ९ शहरबाट मिस नेपालको अडिसन हुने भएको छ । अडिसन काठमाडौंसहित नेपालगञ्ज, धनगढी, पोखरा, बुटवल, चितवन, वीरगञ्ज, विर्तामोड र धरानमा हुने हिडच ट्रेजरले जनाएको छ ।
