सिरहा(प्रसं)– लहान नगरपालिका–१९ छर्रापट्टीबाट अवैध रूपमा लुकाइछिपाई लैजाँदै गरेको करिब १५ लाख ५० हजार रूपैयाँ मूल्य बराबरको २ सय ३३ ग्राम सुन सहित २ जनालाई मंगलबार बिहान प्रहरीले पक्राउ गरेको छ । पक्राउ पर्नेहरूमा लहान नगरपालिका–१९ छर्रापट्टी बस्ने २४ वर्षीय मो.मोतीउल रहमान र सोही ठाउँ बस्ने २१ वर्षीय मो.मुर्तुजा रहेका छन् । काठमाडौंदेखि लहानको खाडी चल्ने ना.४ ख ९३५७ नम्बरको बसबाट ओर्लिई को.३८ प २६३२ नम्बरको मोटरसाइकलमा भाग्दै गरेको अवस्थामा ईलाका प्रहरी कार्यालय लहानबाट खटिएको प्रहरीले उक्त परिमाणको सुन सहित फेला पारी मोटरसाइकल चालक रहमान र मोटरसाइकलमा सवार मुर्तुजालाई पक्राउ गरेको हो ।
प्रकाशित मिति: बुधबार, फागुन १४, २०७६ ०८:४२
