काठमाडौं– नेपाली लोक तथा दोहोरी गीतको क्षेत्र क्रियाशिल गायक ओम छिनालको लय सिर्जनामा नयाँ गीत बजारमा आएको छ । ओमको ‘धोकेबाज’ बोलको गीतमा प्रकाश परियारको प्रस्तुति रहेको छ । उक्त गीतमा मौसम गुरुङ र पूर्णकला बिसीको स्वर रहेको छ ।
शितल शिजन डिजिटल प्रालिमार्फत सार्वजनिक भएको गीतलाई शब्द भने प्रस्तुतकर्ता स्वयम् प्रकाश परियारले तयार परेका हुन् । ‘धोकेबाज’ गीतको भिडियोमा अनिता छिनाल, गणेश बिसी र प्रकाश परियारको अभिनय देख्न सकिन्छ । उक्त भिडियोलाई निर्देशन ओम श्रेष्ठले गरेका छन् । भिडियोमा छायाङ्कन प्रकाश खड्का र सम्पादन राजेश कुमारले गरेका छन् । यस गीतमा अजम्बरी मायाको बाचा गरेर बीच बाटोमै अलपत्र पारेर धोका दिने मायालुकोे प्रशंग समेटिएको छ ।
