काठमाडौं– नेपाली बजारमा आज मंगलबार सुनचाँदीको मूल्य बढेको छ । नेपाल सुनचाँदी व्यवसायी महासंघले आज सुनको मूल्य तोलामा ३०० रुपैयाँले बढेको जनाएको हो । महासंघले हिजो सोमबारको तुलनामा आज मंगलबार सुनको मूल्य तोलामा ३०० रुपैयाँ बढेर कारोबार सुरु भएको जनाएको हो ।
आज छापावाल सुनको मूल्य तोलामा १ लाख १८ हजार ६०० रुपैयाँ र तेजाबी सुनको मूल्य तोलामा १ लाख १८ हजार ५० रुपैयाँ कायम छ । हिजो सोमबार छापावाल सुनको मूल्य तोलामा १ लाख १८ हजार ३०० र तेजाबी सुनको मूल्य तोलामा १ लाख १७ हजार ७५० रुपैयाँ कायम थियो ।
यस्तै, आज चाँदीको मूल्य पनि वृद्धि भएको छ । आज चाँदीको मूल्य तोलामा १५ रुपैयाँ बढेर १४ सय २० रुपैयाँमा कारोबार भइरहेको छ । महासंघका अनुसार हिजो चाँदीको मूल्य तोलामा १४ सय ५ रुपैयाँ कायम थियो ।
