काठमाडाैं - गिरिश खतिवडाको शब्द एवम् संगीतमा ‘आइ एम द सुपरस्टार` गीत सार्वजनिक भएकाे छ ।भारतीय चर्चित निर्देशक विशाल खरातकाे निर्देशनमा गीतको भिडियोलाई सोना अमात्यको अफिसियल युटुब च्यानल बाट सार्वजनिक गरेकाे हाे ।
गायिका सोना अमात्यले चर्चित र्यापर गिरिश खतिवडा र तिब्र र्यापरको पहिचान बनाएका बुलेट फ्लोसँगको सहकार्यमा नयाँ गीत ‘आइ एम द सुपरस्टार` सार्वजनिक गरेकी छन् । ।
सार्वजनिक गीतमा सुरज विक्रम थापा(बुलेट फ्लो) र गिरिश खतिवडाको शब्द एवम् संगीत रहेको यसगीतमा खतिवडासँगै ओ२एमएल(पीग इ प्रोड)ले प्रतिध्वनि दिने ताल निकालेका छन् । भारतीय चर्चित निर्देशक विशाल खरातले निर्देशन गरेका उक्त भिडियो नेपाली दर्शकको लागि खास बन्न सक्छ।
निर्देशक खरातले कथावाचनलाई उत्कृष्ट रुपले पस्केका छन् ।गीतको भिडियोलाई आलोक शुक्लाले छायांकन र विशाल खरातले सम्पादन गरेका छन् । भिसी स्टुडियो, मुम्बईले अनलाइन व्यवस्थापन गरेको भिडियोको ग्रेडिङ सीएएच फोर स्टुडियोले गरेको छ ।
फुल सर्कलको प्रस्तुति रहेको यस गीतको भिडियोमा इश्वर बल्लभ उप्रेतीको निर्माण संयोजक, प्रशान्त तामाङ र इश्वर बल्लभ उप्रेतीको कोरियोग्राफी रहेको छ । यस गीतमा गायिका सोना अमात्य, चर्चित र्यापर गिरिश खतिवडा र तिब्र र्यापरको बुलेट फ्लोको अभिनय देख्न सकिन्छ ।
सोना विशेषत पप, लोक, शास्त्रीय, आधुनिक गायनमा परिचित छिन् । गीतको कथाले सबै भित्रको जन्मजात सुपरस्टारलाई जोड दिएको छ । गीतले दर्शक श्रोतामाझ प्रतिध्वनि गर्नेमा गायिका सोना विश्वस्त छिन् ।
