काठमाडौं - दरबारमार्गमा गायक कर्म र गायिका एलिनाले प्रस्तुती दिने भएका छन् । भ्यालेन्टाइन डेको अवसर पारेर एलिना आइतबारका दिन दरबार मार्गको मन्नत प्यालेसमा गायक कर्म ग्याल्जेन र गायिका एलिना चौहान गुग्जिने भएका हुन् ।
कार्यक्रममा सुन्दरी गायिका एलिना चौहानले धोकेबाज, कट्टा हान्दिन्छु, कुरा काट्ने मान्छेले काटुन, मिनिरल वाटर, इस्टाको फोटो लगायतका गीतहरु गाउने भएकी छिन् ।
गायिका एलिनासँगै गायक कर्म ग्याल्जेन र लाइभ व्याण्डको पनि प्रस्तुती रहने छ । प्रणय दिवसको पूर्व सन्ध्यामा सदा झै नयाँ उमंग नयाँ ठाउँ प्रणय दिवसमा जाउँ भन्ने उदेश्यसहित मन्नत प्यालेसले भव्य रुपमा सांगीतिक साँझको आयोजना गरेको हो ।
कार्यक्रम माघ २८ गते साँझ ७ बजेदेखि राती साडे १ बजेसम्म संचालन हुने आयोजकले जनाएको छ ।
