काठमाडौं -फूडमाण्डुको भ्यालेन्टाइन डे कन्टेस्ट ल्याएको छ । नेपालको पहिलो तथा लोकप्रिय फूड डेलिभरी कम्पनी फूडमान्डुले भ्यालेन्टाइन डेलाई लक्षित गर्दै ‘भ्यालेन्टाइन डे कन्टेस्ट’ ल्याएको हाे ।
यस कन्टेस्ट अन्तर्गत फूडमान्डुमार्फत फूड अर्डर गर्ने ग्राहकमध्यबाट हरेक दिन ५ जना भाग्यशाली विजेताहरुलाई लक्की ड्र मार्फत छनोट गरिने जनाइएकाे छ । उक्त कन्टेस्टमा भाग्यशाली विजेताहरुलाई मिनिसो, केटिएम सिटी, अभाता र फूडमान्डु मर्कन्डाइजको तर्फबाट आकर्षक गिफ्ट ह्याम्परहरु पनि प्रदान गरिने भएकाे छ ।
विजेताहरू दैनिक रूपमा सोसल मिडिया प्लेटफर्महरूमा घोषणा गरिने र फूडमान्डूको अफिसबाट गिफ्ट ह्याम्परहरु संकलन गर्न सकिने फूडमान्डुले जनाएकाे छ । ग्राहकहरुले ४० वटा विभिन्न रेस्टुरेन्टबाट बाइ वान गेट वान फ्रि तथा आकर्षक कम्बो अफरहरु समेत प्राप्त गर्न सकिने जनाइएकाे छ ।
फूडमान्डुले विभिन्न बैँक र वालेटहरुसँगको सहकार्यमा ग्राहकहरुलाई विभिन्न क्यासब्याक अफरहरु समेत प्रदान गर्ने जनाइएकाे छ । यसबारे बोल्दै फूडमान्डुका ब्रान्ड एण्ड मार्केटिङ मेनेजर इनेशा भट्टराईले भने, “हाम्रा आदरणीय ग्राहकहरुलाई लक्षित गर्दै हामीले भ्यालेन्टाइन डेको अवसर पारेर आकर्षक अफरहरु ल्याएका छौँ । आशा छ कि हाम्रा ग्राहकहरुले यो अफरलाई मन पराइदिनु हुनेछ र फूडमान्डुलाई अझै बढी माया र साथ प्रदान गर्नुहुनेछ ।”
याे अफर माघ २४ देखि फागुन २ गतेसम्म लागु हुने र यस अफरहरुमा सहभागी हुनको लागि फूडमान्डुको वेबसाइट वा फूडमान्डुको एपमार्फत फूड अर्डर गर्न सकिने जनाइइकाे छ ।