काठमाडौं - यूएई एसीसी महिला प्रिमियर कप क्रिकेट प्रतियोगिताको फाइनलमा प्रवेश गरेकाे छ । थाइल्याण्डमाथि ४ रनले जीत हासिल गर्दै यूएई एसीसी महिला प्रिमियर कप क्रिकेट प्रतियोगिताको फाइनलमा प्रवेश गरेको हाे ।
यूएईले प्रस्तुत गरेको ७१ रनको लक्ष्य पछ्याउने क्रममा थाइल्याण्डले १९।२ ओभरमा सबै विकेट गुमाउँदै मात्र ६६ रन बनाउन सके । थाइल्याण्डका लागि थिपाटचा पुथावोङले सर्वाधिक २१ रनको योगदान दिइन् । त्यस्तै, सुवाना खायोटोले १२ तथा नानापत कोन्चारोनकाइले ११ तथा फनिता मायाले १० रन बनाइन् ।
यूएईका लागि हिना एन होटचादनीले ४ तथा वैष्णवी महेशले ३ विकेट लिइन् । कभिसा एगोडागेले २ विकेट लिँदा सुरक्षा कोटेले १ विकेट हात पारिन् । यसअघि कभिसाले सर्वाधिक २१ रनको मद्दतले यूएईले निर्धारित २० ओभरमा ७ विकेटको क्षतिमा ७० रन बनाएको थियो । कप्तान इशा ओजाले १४ तथा समाइरा धर्नीधर्काले १३ रन हिर्काइन् । थाइल्याण्डकी थिपाटचा पुथावोङ र अफिसारा सुवानचोनराथीले २–२ विकेट लिए ।
