म्युनिख- आइतबार भएको बुन्डेस लिगामा भीएफएल बोचुमसँग ३-२ गोलले बायर्न म्युनिख पराजित भएको छ । पराजित भएसँगै बायर्न म्युनिखले पछिल्ला ९ दिनमा तेस्रो हार बेहोरेको हो ।
खेलमा अग्रता लिएको बायर्नले १४ औँ मिनेटमा जमाल मुसियालाले टोलीलाई अग्रता दिलाए । तर पहिलो हाफको अन्त्यतिर बोचुमका टाकुमा असानो र केभेन स्क्लोटरबेकले एक–एक गोल गरे ।
दोस्रो हाफमा डायोट उपामेकानोले रातो कार्ड पाएपछि बायर्न १० खेलाडीमा सीमित बन्यो । ७८ औँ मिनेटमा केभिन स्टोजरले पेनाल्टीबाट गोल गर्दै बोचुमलाई दुई गोलको अग्रता दिलाए । खेलको अन्त्यतिर ह्यारी केनले एक गोल फर्काए पनि टोलीलाई हारबाट जोगाउन सकेनन् ।
पराजयपछि २२ खेलबाट बायर्नको ५० अङ्क रहेको छ । टोली लिगको दोस्रो स्थानमा छ । समान खेलबाट बोचुमको २५ अङ्क छ ।
