कास्की - भिरबाट खसेर बेपत्ता पर्यटको शव फेला परेकाे छ । कास्की जिल्लाको माछापुच्छ्रे गाउँपालिका १ मिर्सा भन्ने ठाउँको भिरबाट खसेकी २१ वर्षिया पर्यटक पिया जोसको शव सशस्त्र प्रहरी बल नेपालको विपद् उद्धार टिमले भिरबाट निकालेको हाे ।
पोखरा फर्कने क्रममा शनिबार साँझ अर्का एक पर्यटकले आफ्नो जर्मन केटी साथी भिरबाट खसेको भन्ने जानकारी गराएपछि नं. २४ कालिका गण कास्कीबाट उनको खोजी तथा उद्धारको लागि सुरक्षा फौज परिचालन भएको थियो ।
खोज तथा उद्धारको क्रममा आईतबार बिहान उनको शव रुखमा अड्किएको अवस्थामा
फेला परेको हो ।
