काठमाडाैं - वैदेशिक रोजगारीका लागि श्रम स्वीकृति लिने नेपालीको संख्या दुई लाख नाघेकाे छ। आर्थिक वर्ष २०८०/८१ को सात महिनामा संस्थागत तथा व्यक्तिगत–नयाँ श्रम स्वीकृति लिने नेपालीको संख्या दुई लाख ४७ हजार १२ जना पुगेको हो ।
नेपाल राष्ट्र बैंकले सार्वजनिक तथ्यांक अनुसार समीक्षा अवधिमा वैदेशिक रोजगारीका लागि अन्तिम श्रम स्वीकृति लिने नेपालीको संख्या दुई लाख ४७ हजार १२ जना पुगेको छ भने पुनः श्रम स्वीकृति लिनेको संख्या एक लाख ५८ हजार पाँच सय ४० रहेको छ ।
