काठमाडौं– अब नेशनल बक्स अफिस टेलिफिल्म अवार्ड पनि हुने भएको छ । २०७६ बैशाखदेखि यो बर्षको चैत मसान्तसम्म सार्वजनिक भएका विभिन्न किसिमका टेलिफिल्महरू समेटिएर टेलिफिल्म अवार्ड आयोजना हुने भएको हो ।
बक्स अफिस इन्टरनेशनल ग्रुपले यो अवार्ड आयोजना गर्न लागेको हो । एक दशकदेखि फिल्म फियरसँगै म्युजिक, ग्लोबल, पृथ्वी परिक्रमा नागरिक सम्मान, बल्कबष्टर फिल्म अवार्डलगायतका कार्यक्रम गर्दै आएको बक्स अफिस इन्टरनेशनल ग्रुपले कलाकारकै दबाबको सम्मान गर्दै आगामी भदौमा टेलिफिल्म अवार्ड आयोजना गर्न लागेको संस्थाका अध्यक्ष आरके सुवेदीले बताए ।
अवार्डमा टिभी तथा युट्युवमा सार्बजनिक भएको विभिन्न भाषाका टिलिफिल्महरूले भाग लिन सक्ने छन् । पाँच सदस्य जुरिले विभिन्न बिधा गरि ३२ बिधामा आगामी भदौ अन्तिममा राजधानीमा एक कार्यक्रमको आयोजना गरी अवार्ड बितरण गरिने जनाइएको छ ।
