काठमाडौं–सन्ध्याग्रुप मुग्लानी सौगातको ७८ औँ वाचन डबली तथा सम्मान नेपाल बिशेष कार्यक्रम काठमाडौंको प्रज्ञा प्रतिष्ठानको सभाहलमा सम्पन्न भएको छ ।
सन्ध्याग्रुप अल्खोर कतारका पुर्ब अध्यक्ष तथा पुर्ब संरक्षक, मुग्लानी सौगातका पुर्ब प्रधान सम्पादक, सम्पादकहरूले संस्थालाई पुर्याएको अतुलनीय योगदानको उच्च मुल्यांकन गर्दै सम्मान कार्यक्रम समेत राखिएको थियो । जसनुसार सन्ध्याग्रुप अल्खोर कतारका संस्थापक अध्यक्ष सुरज तामाङ, पुर्ब अध्यक्षहरू धनेस्वर जिसी, थर्च लामा र बिरेन्द्र कुमार याक्थुङ्बालाई दोसल्ला ओढाई सम्मान पत्रद्वारा सम्मान गरिएको थियो । त्यसैगरी यस कार्यक्रमलाई सफल बनाउन अहम भुमिका खेल्दै आर्थिक नैतिक र भौतिक सहयोग पुर्याउनु भएकोमा मुग्लानी खबरका अध्यक्ष दिलमाया तामाङ (राना) लाई खादा ओढाएर कदर पत्रद्वारा सम्मान गरिएको थियो ।
विशेष गरि नेपालका विभिन्न साहित्यिक संस्था तथा साहित्यकारहरू संघको उपस्थितमा गरिएको कार्यक्रममा विभिन्न साहित्यकारहरूका दमदार प्रस्तुति राखिएका थिए । दुईओटा मुक्तक संग्रह प्रकाशन गरिसकेका तिलस्मी प्रभासका करिब एक दर्जन मुक्तकले माहोल तताएका थिए । प्रस्तुती राख्ने सर्जक श्रष्टाहरूमा सबिन डागी, राजन लामा, गितकार लेखक प्रकाश घिमेरे, इन्द्रमणि नेपाल, सुदिप पङ्गेनी, रेणुका भट्टराई, शरु छुच्ची, बाबा बस्नेत, पबित्रा अधिकारी, रन्जना निरौला, द्वारिका कुइकेल, गीता कार्की, पुष्प खनाल, रेणुका भट्टराई , ललिता दोषी, महेश रिजाल, निर्मल पराजुली र गायिका गीता भट्टराई लगाएतका ब्यक्तित्वहरू रहेका थिए ।
त्यसैगरी कार्यक्रम सफलताको शुभकामना मन्तब्य राख्नेहरूमा लेखक तथा बरिस्ठ निबन्धकार युवराज नयाँघरे, साहित्यकार कृष्ण अबिरल, प्रखर समसामयिक बिश्लेषक डा सुरेन्द्र केसी, एन आरएनए हङकङका अध्यक्ष टीका गुरुङ, संस्थाका पुर्ब अध्यक्ष धनेस्वर जिसी, बिरेन्द्र कुमार याक्थुङ्बा, अनेसास केन्द्रिय अध्यक्ष राधेश्याम लेकाली, सन्ध्यागु्रप ओ अल्खोर कतारका संरक्षक प्रेम प्रसाद भट्टराई लगाएतका ब्यतित्वहरू रहेका थिए ।
कार्यक्रमका प्रमुख अतिथी गङ्गाप्रसाद उप्रेती बोल्दै कतारमा स्थापित भएर पनि नेपालमा आएर यसरी सम्पुर्ण साहित्यकारहरूलाई समाबेश गरि कार्यक्रम गर्नु अत्यन्तै सकारात्मक रहेको बताए । साथै सम्पुर्ण लेखक तथा साहित्यकारहरूको एकता हुनुपर्ने बताएका थिए । साहित्यकारहरू र लेखकहरूलाई पनि बाच्ने आधार हुनुपर्ने र यश बिषयमा आफुहरू लागिपरेको समेत बताएका थिए । कार्यक्रमको अन्त्यमा सभापति गणेश क्षेत्रीले कतारबाट आएर नेपालमा कार्यक्रम गर्नु आफैँमा चुनौती हुँदाहुँदै पनि यो छोटो समयमा यसरी कार्यक्रमलाई सभ्य तथा भब्य रूपमा सफल पारिदिन उपस्थित भएका सम्पुर्णमा धन्यवाद ब्यक्त गरेका थिए ।
उक्त कार्यक्रमलाई विश्वसामु पुर्याउन सहयोग गर्नुहुने मिडिया पार्ट्नरहरूमा मुग्लानी खबर डट कम, प्रभाव डट कम, प्रभास खबर डट कम का साथै हिमालयन रेडियोबाट प्रत्यक्ष लाईभ प्रशारण गरिएको थियो ।
