महोत्तरी – महोत्तरीको भङ्गाहा नगरपालिका–३ भङ्गाहा बस्तीमा एक विवाहित महिला आफ्नै घरमा मृत अवस्थामा भेटिएकी छन् । जिल्ला प्रहरी कार्यालय महोत्तरीका अनुसार राकेश झाकी २१ वर्षीया पत्नी कञ्चन आज बिहान आफ्नै घरमा शङ्कास्पद अवस्थामा मृत फेला परेकीे हुन् । अस्वभाविक मृत्युको खबर पाएपछि प्रहरीले प्रकृति मुचुल्का बनाई परीक्षणका लागि शव जलेश्वर अस्पताल पठाएको जिल्ला प्रहरीले बताए । सो घटना भङ्गाहा–५ स्थित सीतापुर प्रहरी चौकीबाट १०० मिटर नजिकै घटेको हो । प्रहरीका अनुसार घटनास्थलमा पुगेको प्रहरी टोलीलाई मृतकका परिवारले झुण्डिएको अवस्थामा देखेपछि बन्धन काटेर झार्दा उनको मृत्यु भइसकेको बताएका छन् । घटनाको अनुसन्धान भइरहेको प्रहरीले बताएको छ । उता मृतकका परिवारले भने उनले आत्महत्या गरेकी बताइरहेका छन् ।
प्रकाशित मिति: मंगलबार, फागुन २०, २०७६ १०:१६
