काठमाडाैं - नेपाल बैंकर्स संघ र नेपाल बीमक संघबीच सम्झौता भएको छ । सूचना आदानप्रदानमा सहकार्य गर्नका लागि नेपाल बैंकर्स संघ र नेपाल बीमक संघबीच सम्झौता भएको हाे ।
सम्झौता पत्रमा नेपाल बैंकर्स संघका तर्फबाट संघका अध्यक्ष सुनिल के.सी. र नेपाल बीमक संघका तर्फबाट संघका अध्यक्ष चंकी क्षेत्रीले हस्ताक्षर गरेका हुन् ।
उक्त सम्झौता अनुसार दुई पक्षले मुख्यतः सूचना, तथ्याङ्क, ज्ञान, सिप, क्षमता र अन्य स्रोतहरू आदानप्रदानमा सहकार्य गर्दै अगाडि बढ्ने लक्ष्य लिएको छ ।
संघका अनुसार यस सम्झौताले वाणिज्य बैंक, बीमा क्षेत्र लगायत समग्र वित्तीय क्षेत्रको विकासको लागि थप सहयोगी भूमिका निभाउने विश्वास लिएको छ ।
