काठमाडौं - बाल गायिका श्रेजु वाग्लेको स्वर रहेको र्याप गीत ‘जय होस’ को भिडियो सार्वजनिक भएको छ । काठमाडौंमा एक कार्यक्रम आयोजना गरि ९ वर्षका श्रेजु वाग्लेले र्याप गीत ‘जय होस’ को उक्त भिडियो सार्वजनिक गरेकी हुन् ।
शेखर वाग्ले (सिड) को शब्द र संगीत रहेको गीतमा डीजेएलएक्स पौडेलको एरेन्ज, मिक्सिङ र मास्टरिङ छ । विकास प्रसाईको निर्देशन रहेको भिडियोमा गायिका श्रेजु, वरिष्ठ र्याप गायक निर्णय एनएसके, डीजेएलएक्स पौडेल, शेखरलगायत फिचर्ड छन् । भिडियोमा गीत रेकर्डदेखि भिडियो बनाइएसम्मका दृश्य समेटिएका छन् ।
कार्यक्रममा माननीय महिला बाल–बालिका तथा जेष्ट नागरिक मन्त्री भगवती चौधरी, माननीय डा. रेखा यादव, प्रसिद्ध र्याप गायक निर्णय श्रेष्ठ (एनएसके) तथा विश्व किर्तिमान एवं बरिष्ट पत्रकार हरि गोपाल प्रधानले ‘जय होस्’ को गीत भिडियो विमोचन गरेका थिए । श्रेजुको आत्मविश्वासको प्रसंशा गर्दै मन्त्री चौधरीले उज्जवल भविष्यको शुभकामना दिइन्।
पत्रकार हरि गोपाल प्रधानले आफ्नो नयाँ गीतमा श्रेजुको स्वर र र्याप राख्ने प्रतिवद्धता दिए । र्याप गायक निर्णय श्रेष्ठ (एनएसके) ले यसरी नै अगाडि बढ्दै आफ्नो माटो र मौलिकतालाई समेट्दै जानु भन्दै शुभकामना दिए ।
नेपाली र संस्कृत भाषामा गाएको यो गीत नेपालमै सम्भावित पहिलो हुन सक्ने अनुमान गरिएकाे छ ।
