काठमाडौं - आज पनि छापावाल सुनको मूल्य ओरालो लाग्दै प्रतितोला एक हजार रुपैयाँले घटेको छ ।नेपाल सुनचाँदी व्यवसायी महासंघले आज छापावाल सुनको मूल्य प्रतितोला १ लाख ४१ हजार रुपैयाँमा काराेबार भइरहेकाे जनाएको हाे ।
शुक्रबार छापावाल सुनको मूल्य प्रतितोला १ लाख ४२ हजार रुपैयाँमा काराेबार भएकाे थियाे । त्यस्तै, हिजाे तेजावी सुनको मूल्य प्रतितोला १ लाख ४१ हजार ३०० रुपैयाँ कायम भएकोमा आज प्रतितोला १ लाख ४० हजार ३०० रुपैयाँ कायम भएको छ ।
त्यसैगरी, चाँदीको मूल्य प्रतितोला १५ रुपैयाँले घटेर प्रतितोला १८ सय ३५ रुपैयाँमा कायम भएको महासंघले जनाएकाे छ । आइतबार चाँदीको मूल्य प्रतितोला १८ सय ५०रुपैयाँमा कारोबार भएको थियाे ।
