काठमाडौं- नाट्टा र टोआबबीच पर्यटन प्रवद्र्धनका लागि समझदारी पत्रमा हस्ताक्षर भएको छ ।नेपाल एशोसिएशन अफ ट्राभल एण्ड टुर एजेन्ट्स (नाट्टा) र टुर अपरेटर्स एसोसिएसन अफ बंगलादेश (टोआब) बीच नेपाल रबंगलादेश दुवैको पर्यटन प्रवद्र्धनका लागि सहकार्यात्मक सम्बन्ध स्थापना गर्न समझदारी पत्रमा हस्ताक्षर भएको छ ।
एमओयूमा नाट्टाका अध्यक्ष कुमारमणि थपलिया र नाट्टाका महासचिव सुश्री युविका भण्डारी, एमडी रटोआबका अध्यक्ष रफेउज्जमान र एमडी डा. तस्लिम अमीन शोभन, निर्देशक (व्यापार तथा मेला)ले हस्ताक्षर गरेका छन् ।
"समिट देखि समुन्द्र सम्म" भन्ने आदर्श वाक्य अन्तर्गत एमओयूले नेपाल र बंगलादेशको समृद्ध र विविध पर्यटन प्रस्तावलाई प्रवर्द्धन गर्न नाट्टा र टोआबको प्रतिबद्धता गरेका छन्। दुबै देशको शक्तिलाई संयोजन गरेर, विश्वभरका पर्यटकहरूलाई आकर्षित गर्ने अद्वितीय यात्रा अनुभवहरू सिर्जना गर्ने लक्ष्य राखेको छ ।
एमओयूले परिचयात्मक भ्रमणहरू आयोजना गर्ने, सम्मेलनहरू र सेमिनारहरू संयुक्त रूपमा आयोजना गर्ने, मार्केटिङ अभियानमा सहयोग गर्ने, बौद्ध पुरातात्विक स्थलहरूको प्रवर्द्धन, पर्यटन सम्बन्धी जानकारीको आदानप्रदान गर्ने, तालिम कार्यक्रम र कार्यशालाहरूमार्फत क्षमता निर्माण गर्ने लगायतका सहयोगका धेरै क्षेत्रहरूलाई आफ्नो योजनामा राखेको छ ।
नेपाल एसोसिएसन अफ ट्राभल एण्ड टुर एजेन्ट्स (नाट्टा)
