काठमाडौं - आइतबार सुनचाँदीको मूल्यमा वृद्धि भएकाे छ । नेपाल सुनचाँदी व्यवसायी महासंघले छापावाल सुनको मूल्य प्रतितोला एक हजार ६०० रुपैयाँले बढेर १ लाख ४२ हजार ८०० रुपैयाँमा काराेबार भइरहेकाे जनाएको हाे ।
शुक्रबार छापावाल सुनको मूल्य प्रतितोला ४ सय रुपैयाँले घटेर १ लाख ४१ हजार २०० रुपैयाँमा काराेबार भएको थियाे ।
महासंघका अनुसार एक हजार ६०० रुपैयाँले बढेर तेजावी सुनको मूल्य पनि प्रतितोला १ लाख ४२ हजार १०० कायम भएको छ । शुक्रबार तेजावी सुनको मूल्य पनि प्रतितोला १ लाख ४० हजार ५०० रुपैयाँ कायम भएको थियाे ।
त्यसैगरी, शुक्रबार चाँदीको मूल्य प्रतितोला १८ सय रुपैयाँमा कायम भएकोमा बीस रुपैयाँले बढेर चाँदीको मूल्य प्रतितोला १८ सय २० रुपैयाँमा कायम भएको महासंघले जनाएकाे छ ।
