काठमाडाैं - लंका फिल्म प्रालिको व्यानरमा निर्मित चलचित्र ‘ब्ल्याक छायाँ’ को बुट्टे रुमाल…. बोलको गीत सार्वजनिक भएको छ । देशव्यापी रुपमा साउन ११ गतेबाट प्रदर्शन हुने चलचित्र ‘ब्ल्याक छायाँ’ को बुट्टे रुमाल…. बोलको गीत ओएसआर डिजिटलमार्फत सार्वजनिक भएको हाे ।
चलचित्र ‘ब्ल्याक छायाँ’ मा मायाप्रेम र सस्पेन थ्रिलरलाई मनोरञ्जनात्मक ढंगले प्रस्तुत गरिएको कारण चलचित्र व्यवसायिक रुपले सफल रहने विश्वास निर्देशक आरएल लामा मोक्तानले लिएका छन् ।
गीतमा शब्द डिबि खनाल, संगीत राजेन्द्र बजगाई, स्वर भुवन प्यासी र मेलिना राईको रहेको छ । चलचित्रका निर्माता रेल्लुमाया तामाङ, बिन दुरुङच्याङ मगर ‘मैना’, आर. सोनाम मोक्तान हुन् ।
खड्ग लामा मुक्तान प्रस्तुतकर्ता रहेको ब्ल्याक छायाँमा सहनिर्मातामा सोशिका तामाङ, ‘रजनी’, श्याम बहादुर मुक्तान ‘डेबिट’ रहेका छन् । चलचित्रको छायांकन सिनेमाटोग्राफर सञ्चु थोकर लामाले गरेका हुन् ।
चलचित्रमा नीर शाह, सुनील थापा, धीरेन शाक्य, सलोन बस्नेत, सुष्मा कार्की, जान्हवी वस्नेत, बुध्दि तामाङ, रुविना कार्की, सोभित वस्नेत, रविन्द्र झा, निमादोर्जे मुक्तान, आरएल लामा मुक्तान लगायतको अभिनय रहेको छ ।
