काठमाडौं - गायक भागिरथ चलाउने र गायिका कविता खत्रीको स्वरमा रहेकाे तीज विशेष गीत 'दिउँला बरिलै'काे भिडिओ सार्वजनिक गरेका छन् ।
मंगलबार कविता खत्रीकै युट्युव च्यानलमार्फत सार्वजनिक गीतमा नेत्र अर्यालको शब्द र गायक चलाउनेकै संगीतमा साे सार्वजनिक गरेका हुन् ।
गीतमा कोरस स्वर रुपि सिंजाली मगर र प्रतिमा विश्वकर्माको रहेको छ । गीतको भिडिओमा चर्चित मोडल लोमश शर्मा र बिना राउतले नृत्य गरेका छन् । अशोक बिकले निर्देशन गरेको भिडिओ नवराज उप्रेतीले खिचेका हुन् ।
प्रबिन भट्टले सम्पादन गरेको भिडिओमा मिलन विश्वकर्माले कलर भरेका छन् । सार्वजनिक गरिएको छ ।तीज आउन महिना भन्दा समय भइरहँदा बजारमा तीज गीत सार्वजनिक भइरहेका छन् । यसअघि दर्जन बढी गीत युट्युवमार्फत सार्वजनिक भइसकेका छन् ।
गायिका कबिता खत्रीले नारीहरुको महान चाड तीजमा तीजको छुट्टै महत्व हुनेभएकाले पनि यस वर्षको तीजमा गीत ल्याएको बताइन् । उनले भनेकी छिन्, 'तीजका गीत महिना अघिबाटै घन्किदा तीज आएको महसुस हुन्छ । तीजका गीतले पनि तीज चाडलाई जोगाइराखेको छ । तीज विशेष गीतहरुले पनि तीजको महत्व अझै बढाएको जस्तो लाग्छ ।'
