काठमाडौं - तीजलाई लक्षित गरेर गायिका टिका प्रसाईंको स्वरमा “माया बस्यो संगिनी ” गीत सार्वजनिक भएको छ ।नाच्ने शैलीको यस गीतको भिडियो प्रमिला बस्नेतको आधिकारिक युट्युब च्यानलमार्फत सार्वजनिक गरेकाे हाे ।
गीतमा प्रमिला बस्नेतको शब्द, राजेश थापाको संगीत र रमेश सेन्चुरीको एरेन्ज रहेको छ ।यस गीतको भिडियोलाई केशव राज भटटले निर्देशन गरेका हुन् ।भिडियोको छायांकन अजय रेग्मी र सम्पादन दिनसन शाहले गरेका छन् ।
भिडियोमा कलाकारहरु जुना कार्की , संचिता बुलाखे , टिका प्रसाईं , सरोज बुढाथोकीले अभिनय गरेका छन् ।
गीतमा तिजको मौलिक पनलाई आकर्षक ढंगबाट समावेश गरिएको छ । तीजमा नेपाली नारीहरुले भोगेको पिडालाई गीतमा आकर्षक रुपमा समावेश गरिएको छ ।आफनो मायाको यादमा जवानीलाई साँचेर राखेको कुरा गीतमा गरिएको छ ।
