काठमाडौं -'माइतै रमाइलो' भनेर एक म्युजिक भिडियोमा नायिका केकी अधिकारी आएकी छिन् । हिन्दु नारीहरुले मनाउने हरितालिका तीज आउन केहि हप्ता बाँकी भएसँगै नायिका केकी अधिकारी तीज गीत 'माइतै रमाइलो'मा देखा परेकी हुन् ।
गीतकार शीतल कादम्बिनीको शब्द रचना ,गायिका माधवी अर्यालको स्वरमा रहेको गीतमा माइतीमा तीज मनाउदा हुने रमाइलो पक्षलाई चित्रित गरिएको छ । पछिल्लो समय आएका बिकृत र अश्लील खाले तीजको गीत बाट दिक्क भएका श्रोता, दर्शकका लागि यो गीत एउटा मौलीक र सन्देश मुलक हुने निर्माण पक्षको दाबी छ ।
हरि लम्सालद्वारा संगीतबद्ध गीतको भिडियोलाई टुवेल नोट्सको अफिसियल च्यानलबाट सार्वजनिक गरिएको हो निकेश खडका निर्देशित भिडियोमा हरि हुमागाईंको छायांकन र बिकाश धमलाको सम्पादन रहेको छ ।
