पर्सा - वीरगंज महानगरपालिका-१६ स्थित भानु प्लाजा होटलबाट स्रोत नखुलेको ४ लाख २९ हजार भारतीय रूपैयाँ र ३ लाख ९० हजार नेपाली रूपैयाँ सहित २ जनालाई बुधबार दिउँसो प्रहरीले पक्राउ गरेको छ ।जिल्ला प्रहरी कार्यालय पर्साबाट खटिएको प्रहरीले होटल तलासी गर्दा उनीहरूलाई उक्त रकम सहित फेला पारी पक्राउ गरेको हो ।
पक्राउ पर्नेहरूमा भारत राजस्थान ढुगंरपुर पाली बस्ने ३६ वर्षीय बाबुलाल र २८ वर्षीय श्रवण बिसनोई रहेका छन् । साथै उनीहरूले प्रयोग गरेको डिएल ३ सिबि यु ८०३५ नम्बरको कार समेत प्रहरीले बरामद गरेको छ ।
यसैगरी रौतहटकाे गौर नगरपालिका-१ मेन चोकबाट भारत घर भएका कृष्ण कुमारको छोरा १८ वर्षीय किशोरलाई स्रोत नखुलेको नगद ४ लाख रूपैयाँ सहित बुधबार दिउँसो प्रहरीले पक्राउ गरेको छ । जिल्ला प्रहरी कार्यालय रौतहटबाट खटिएको प्रहरीले उनलाई उक्त रकम सहित पक्राउ गरेको हो ।
उनलाई आवश्यक अनुसन्धान एवम् कारवाहीको लागि गौर भन्सार कार्यालय रौतहट पठाइएको छ । यस सम्बन्धमा प्रहरीले थप अनुसन्धान गरिरहेको छ ।
