कैलाली – कैलालीको चुरे गाउँपालिका–४ मा एक १२ वर्षीय बालकद्वारा आफ्नै एक वर्षको भाइको कुटपिट गरी हत्या भएको छ ।
जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतका अनुसार आमा जङ्गलमा घाँस, दाउरा गर्न गएको बखत भाइको हेरालुका रुपमा राखिएका ती बालकले काठको लट्ठी र हातले निर्घात कुटपिट गरी भाइलाई घाइते बनाएका थिए । कुटपिटबाट घाइते भएपछि उपचारका लागि अस्पताल लैजाने क्रममा ती एक वर्षीय बालकको मृत्यु भएको प्रनाउ बस्नेतले बताए । भाइको हत्या गरेका ती बालकलाई प्रहरीले नियन्त्रणमा लिएको छ ।
प्रकाशित मिति: आइतबार, फागुन २५, २०७६ ०८:२३
