काठमाडाैं - अमेरिकाले क्रिकेटर सन्दीप लामिछानेलाई भिसा दिएको छ । सन्दीपलाई अमेरिकाले भिसा दिएको नेपाल क्रिकेट संघ (क्यान) ले जनाएको छ ।
सन्दीपले अमेरिकाकाे भिसा पाएसँगै उनी आजै त्यसतर्फ प्रस्थान गर्ने क्यानले जनाएको छ ।उनले अमेरिकामा आईसीसी विश्वकप लिग–२ अन्तर्गत त्रिदेशीय एकदिवसीय शृङ्खला खेल्नेछन् ।
नेपाल, स्कटल्यान्ड र अमेरिकाबीचको त्रिदेशीय शृङ्खला यही अक्टोबर २५ देखि नोभेम्बर ४ सम्म सञ्चालन हुँदैछ । अहिले अमेरिका र नेपालबीच तीन खेलकाे टी–२० शृङ्खला चलिरहेकाे छ । याे शृङ्खलाकाे पहिलाे खेल नेपालले जितेकाे छ । टी–२० शृङ्खलापछि लिग–२ काे खेल शुरू हुनेछ ।
यसअघि अमेरिकाले भिसा नदिएका कारण सन्दीप आईसीसी टी–२० विश्वकप अन्तर्गत अमेरिकामा भएका खेलहरूमा सहभागी भएका थिएनन् ।
