काठमाडौं - नागार्जुन नगरपालिका-१ रानिबनस्थित खाजा घरबाट अनिल खड्कालाई पेस्तोल सहित शनिबार राति प्रहरीले पक्राउ गरेको छ ।
दैलेख भगवतीमाई गाउँपालिका-७ घर भई काठमाडौं महानगरपालिका-१६ रानिबन बस्ने २४ वर्षीय खड्कालाई पेस्तोल १ थान र खाली म्याग्जिन १ थानसहित शनिबार राति प्रहरीले पक्राउ गरेको हो ।
अस्थायी प्रहरी बिट रानिबनबाट खटिएको प्रहरीले उनलाई उक्त पेस्तोलसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
