बारा – बारामा लागुऔषधसहित २ जनालाई प्रहरीले पक्राउ गरेको छ । इलाका प्रहरी कार्यालय सिमराबाट खटिएको प्रहरी टोलीले बीरगञ्ज महानगरपालिका १५ बस्ने ३० वर्षीय जितेन्द्रकुमार सिंह र भारत बिहारका २२ वर्षीय नासिर आलमलाई बारा जितपुर सिमरा उपमहानगरपालिका–२ स्थित नेपाल विद्युत प्राधिकरण अगाडिको बाटोबाट उनीहरुलाई पक्राउ गरेको हो ।
प्रहरीले प्रेस लेखिएको ना ६२ प ६२६७ न.को मोटरसाइकलमा सवार उनीहरुको साथबाट डाइजेपाम ३ सय पिस, नुफिन ३ सय पिस, फेनार्गन ३ सय पिस गरी जम्मा ९ सय पिस लागुऔषध बरामद गरेको छ । प्रहरीले पक्राउ परेका २ जनमाथि थप अनुसन्धान भैरहेको जनाएको छ ।
