काठमाडौं - आईसीसी यू-१९ महिला टी-ट्वेन्टी विश्वकप एसिया छनोटको निर्णायक खेलमा यूएईले टस जितेर नेपालविरुद्ध पहिले ब्याटिङ गरिरहेको छ ।
सन् २०२५ मा मलेसियामा हुने विश्वकपमा स्थान बनाउनका लागि यो खेल महत्वपूर्ण छ । जारी प्रतियोगितामा पाँच खेलमा चारमा जित र एकमा हार बेहोरेको नेपाल ८ अंकका साथ तालिकाको दोस्रो स्थानमा छ ।
आज यूएईलाई फराकिलो अन्तरले हराए नेपालले मलेसियामा हुने विश्वकपमा स्थान बनाउने छ ।
खेल यूएईको द सेभेन्स स्टेडियममा जारी छ ।
