सिरहा- नेपाल पत्रकार महासंघ सिरहा शाखा र लहान सिटी जेसिस बीचको मैत्रीपूर्ण फुटबल खेलमा नेपाल पत्रकार महासंघ सिरहाकाे विजयी भएको छ।
लहान सिटी जेसिसकाे साप्ताहिक कार्यक्रम अन्तरगर्त जेसिसद्वारा आयाेजित लहानकाे खेल मैदानमा बुधबार भएको खेलमा पत्रकार टोलीले जेसिस टोलीलाई ३–२ गोल अन्तरले हराएर विजयी भएको हाे ।
पत्रकारको जितमा विरेन्द्र यादव, एम महताे र अनुभक्त चाैधरीले एक एक गोल गरेका थिए । जेसिस टिमका नित्यान्नद यादव र बमचन्द्र चाैधरीले एक एक गाेल गरेका थिए ।
पत्रकार टिमका कप्तान विरेन्द्र यादव र जेसिस टिमबाट उपेन्द्र यादव रहेका थिए । पत्रकार टिमका कप्तान यादवले भने ,'खेलले स्वास्थ्यका लागि एकदम राम्रो हाे । यस प्रकारकाे खेल समय समयमा हुनुपर्छ । हाम्राे टिम खेलमा विजय भएकाेले खुशी छु।'
उद्घाटन अघि सम्बोधन गर्दै सिटी जेसिका अध्यक्ष उमेश कुमार यादवले खेलकुदको माध्यामबाट दुई संठगन बिचको मित्रताले थप उचाई लिएको बताए। पत्रकार र जेसिस बिचकाे खेलले समाजमा राम्रो संदेश जाने भएकाे याे खेलले पत्रकारमा उर्जा थप्ने नेपाल पत्रकार महासंघ सिरहा शाखाका अध्यक्ष मनाेज बनैताले बताए ।
