नेपालगञ्ज – बाँके जिल्लाको नेपालगञ्ज–कोहलपुर सडक खण्डमा आज बिहान एक सवारी दुर्घटनामा एक जनाको मृत्यु भएको छ र दुईजना घाइते भएका छन् । ट्राफिक प्रहरी कार्यालय कोहलपुर अगाडि एउटा बस (भे १ ख २१२९) र अटो रिक्शा आपसमा ठक्कर खाँदा दुर्घटना भएको हो । जिल्ला प्रहरी कार्यालय बाँकेका प्रहरी नायब उपरीक्षक शिवबहादुर सिंहका अनुसार मृतक एक अटो रिक्शा चालक थिए र उनको पहिचान भने हुन सकेको छैन । घाइतेहरुको कोहलपुर मेडिकल कलेजमा उपचार भैरहेको छ । पुलिसले बस चालकलाई पक्राउ गरेको छ ।
प्रकाशित मिति: बिहीबार, फागुन २९, २०७६ ०७:२७
