काठमाडौं- लोकप्रिय नायिका प्रियंका कार्की अभिनित गायिका नम्रता तामाङको गीत 'दिलमा चुकुल'को म्युजिक भिडियो सार्वजनिक भएको छ ।
गायिका नम्रता तामाङको गीत 'दिलमा चुकुल'को म्युजिक भिडियोलाई ओएसआर डिजिटलको युट्युब च्यानलमार्फत सार्वजनिक गरिएको हो ।
चर्चित संगीतकार दीपक शर्माको शब्द ,संगीत र साहस शाक्यको एरेन्ज रहेको गीतको भिडियोलाइ प्रहिल कार्कीले निर्देशन गरेका हुन् ।
भिडियोमा मेल मोडेलमा बिनोद न्यौपानेको अभिनय रहेको छ।अजय रेग्मीको सिनेमाटोग्राफी,माधव बेलबासेको सम्पादन रहेको छ ।
गायिका नम्रताको यसअघिका 'ओई सानी' र 'नगर शंका' गीतहरु दर्शकको अत्याधिक रोजाइमा परेका थिए ।
