जनकपुरधाम – जनकपुरधामस्थित गोरधोइ पोखरीमा आज एक युवतीको शव फेला परेको छ । जिल्ला प्रहरी कार्यालय धनुषाले फेला परेको शव २५ वर्षीया रोशनी खातुनको रहेको जनाएको छ । स्थानीय पेठिया बजारमा कपडा पसल सञ्चालन गर्दै आएकी रोशनी खातुन दुई दिनदेखि बेपत्ता थिइन् । बिहान घुम्न निस्केका मानिसले पोखरीमा शव तैरिरहेको अवस्थामा देखेपछि प्रहरीलाई खबर गरेका थिए । प्रहरीका अनुसार घटनाको थप अनुसन्धान भइरहेको छ ।
प्रकाशित मिति: शुक्रबार, फागुन ३०, २०७६ ०६:५९
