काठमाडौं - आज सुनको मूल्य प्रतितोला पाँच सयले बढेकाे छ ।
आन्तरिक बजारको माग तथा आपूर्ति व्यवस्थापन र अन्तर्राष्ट्रिय बजारमा सुनको मूल्य पाँच सयले बढेर प्रतितोला रू एक लाख ५२ हजार ५०० मा कारोबार भइरहेकाे नेपाल सुनचाँदी व्यवसायी महासङ्घले जनाएको छ ।
महासंघका अनुसार हिजाे सुनको मूल्य प्रतितोला रू एक लाख ५२ हजार मा कारोबार भएकाे थियाे ।
आज चाँदीकाे मूल्य भने हिजाेकै मूल्यमा स्थिर भइ प्रतितोला रू एक हजार आठ सय ३० मा कारोबार भइरहेकाे छ ।
