काठमाडौं – संगीतप्रेमीहरूका लागि अर्को उत्कृष्ट उपहारको रूपमा " भ्यालेन्टाइन/Valentine" गीत सार्वजनिक भएको छ। यो रोमान्टिक गीतले प्रेम दिवसलाई नयाँ रंग र ऊर्जा दिने अपेक्षाका साथ गीत "एपी म्युजिक" युट्युब च्यानलबाट सार्वजनिक गरिएको हाे ।
एपी शर्माकाे संगीत र शब्दमा गायक कसिलोले यसलाई आकर्षक रूपमा प्रस्तुत गरेका छन्। गीतको निर्देशन मिस्टर जेसीडीले गरेका छन्। म्युजिक भिडियोमा प्रेम र समर्पणको गहिरो भावना कलात्मक रूपमा प्रस्तुत गरिएको छ। गीतका शब्दहरूले प्रेमको अमूल्य भावना उजागर गर्दै "भ्यालेन्टाइन" को महत्त्वलाई मिठासपूर्ण शैलीमा व्यक्त गरेका छन्। निर्देशक मिस्टर जेसीडीले प्रेमको गहिराइलाई प्रभावशाली ढंगले प्रस्तुत गरेका छन्।
गायक कसिलोको स्वर र शैलीले गीतलाई विशेष बनाएको छ। "Valentine" गीतले प्रेम दिवसलाई विशेष बनाउन र श्रोताहरूका मनमा नयाँ उमंग ल्याउन प्रेरित गर्ने विश्वास गरिएको छ। विशेष गरी, यो गीतले युवापुस्तालाई आकर्षित गर्ने अपेक्षा गरिएको छ।
नेपाली डायस्पोराले अंग्रेजी गीत-संगीतमा विश्वव्यापी प्रतिस्पर्धा गर्न थालेको यो एउटा सकारात्मक संकेत हो। यसले नेपाली कलाकारितालाई अन्तर्राष्ट्रिय स्तरमा थप पहिचान दिलाउन महत्त्वपूर्ण भूमिका खेल्नेछ।
