टाेकियाे - जापानले भविष्यका सङ्क्रमण रोग संकटहरूको तयारीको लागि नयाँ अनुसन्धान संस्था ‘जापान स्वास्थ्य सुरक्षा संस्था’ (जेआईएचएस) स्थापना गरेको छ ।
यो संस्था मङ्गलबार देखि सुरु गरिएको हो । यसलाई राष्ट्रिय सङ्क्रमण रोग संस्थान, राष्ट्रिय ग्लोबल स्वास्थ्य र चिकित्सा केन्द्रलाई मिलाएर निर्माण गरिएको हो ।
यसका मुख्य उद्देश्यहरू सङ्क्रमण रोगको सूचना विश्लेषण, अनुसन्धान र सङ्कटको प्रतिक्रिया प्रदान गर्नु हो ।संस्थाले सङ्क्रमण रोगको जोखिम मूल्यांकन तथा सूचना संकलन गर्ने र वैज्ञानिक तथ्यहरूको रिपोर्ट सरकारलाई दिनेछ । महामारीको स्थिति आएमा, सरकारसँग मिलेर औषधी तथा खोपको विकास गर्ने र उपचारका लागि मार्गनिर्देश तयार गर्ने काम गर्नेछ ।
