काठमाडौं – नेपाल वैदेशिक रोजगार व्यवसायी एकता समितिले बुधबार बृहत् रक्तदान तथा नयाँ वर्ष २०८२ को शुभकामना आदानप्रदान कार्यक्रम आयोजना गरेको छ । मानवीय सेवा नै पवित्र धर्म हो र रगत अभावले कसैले मृत्युवरण गर्न नपरोस् भन्ने उद्देश्यका साथ कार्यक्रमको आयोजना गरिएको समितिका अध्यक्ष हरिबहादुर पाण्डेले जानकारी दिए ।
उनका अनुसार कार्यक्रममा १२० जनाले रक्तदान गरेका थिए । वैदेशिक रोजगार विभागका महानिर्देशक सूर्यबहादुर खत्रीले उद्घाटन गरेको कार्यक्रममा नयाँ वर्ष २०८२ को शुभकामना आदानप्रदानसहित भित्तेपात्रोसमेत सार्वजनिक गरिएको थियो ।
नेपाल वैदेशिक रोजगार व्यवसायी संघको आसन्न निर्वाचनमा एकता समितिको सदस्य भए उसैलाई मतदान गर्नुपर्ने र यदि एउटै पदमा दुई जना उम्मेदवार छन् भने आफ्नो विवेक प्रयोग गरेर मतदान गर्न समितिले आफ्ना सदस्यहरुलाई निर्देशनसमेत दिएकोे छ ।
