काठमाडौं - झापा एफसी र काठमाडौं रेजर्सले नेपाल सुपर लिग (एनएसएल) २०२५ मा आफ्नो पहिलो खेलमा बराबरी खेलेका थिए । तेस्रो सिजनको उद्घाटन खेलमै काठमाडौंले दुई गोलले पछि परेको स्थितीमा पुनरागमन गर्दै साविक विजेता ललितपुर सिटीसँग २-२ को बराबरी खेलेको थियो ।
अर्कोतर्फ झापाले भने एक खेलाडी कम भएको बुटवल लुबिनीसँग गोलरहित बराबरी खेलेर अंक बाँडेको थियो । झापाले पहिलो हाफमा उत्कृष्ट प्रदर्शन गरेपनि दोस्रो हाफमा त्यो प्रदर्शन कायम राख्न नसक्दा गोलरहित बराबरीमा रोकियो ।
त्यही काठमाडौं र झापाबीच एनएसएलमा बिहीबार प्रतिस्पर्धा हुँदैछ । खेल त्रिपुरेश्वरस्थित दशरथ रंगशालमा साँझ ६ बजे सुरु हुनेछ ।