जलेश्वर – महोत्तरी जिल्लाको मनरासिस्वा नगरपालिका–८ कटैया गाउँमा बिहिबार राति ट्र्याक्टरको ठक्करबाट एक बालकको मृत्यु भएको छ । ती बालक नगरपालिका–८ बस्ने मसलाद्दीन अन्सारीका छोरा १४ वर्षीय मञ्जर अन्सारी रहेको जिल्ला प्रहरी कार्यालय महोत्तरीले जनाएको छ ।
गाउँको भित्री सडकमा अत्यधिक तीव्र गतिमा आउँदै गरेको ज १ त ५२४१ नं को ट्र्याक्टरले आफ्नै घर अगाडि उभिरहेका बालक अन्सारीलाई पछाडिबाटै अचानक ठक्कर दिँदा गम्भीर घाइते भएका ती बालकलाई उपचारका लागि स्थानीय स्वास्थ्य क्लिनिकमा लैजाँदै गर्दा बाटोमै मृत्यु भएको प्रहरीले जनाएको छ । जिल्ला प्रहरी कार्यालय महोत्तरीका अनुसार मृत्यु भएका बालकको शव परीक्षणका लागि गएराति नै जिल्ला अस्पताल जलेश्वरमा पठाइएको छ भने ठक्कर दिने ट्र्याक्टरलाई प्रहरीले नियन्त्रणमा लिइसकेको छ ।
प्रकाशित मिति: शुक्रबार, चैत ७, २०७६ १०:०४
