काठमाडौं– नेपालमा कोरोनाबाट संक्रमितको संख्या १४ पुगेको छ । सोमबार नेपालमा कोरोनाका थप दुईजना संक्रमित फेला परेपछि कोरोनाका संक्रमितहरुको संख्या १४ पुगेका हुन् ।
शनिबार वीरगन्जमा रहेका ३ जनामा कोरोना देखिएको थियो भने सोमबार भएको परीक्षणमा कैलाली लम्कीकी ६५ वर्षीय महिला र रौतहटका एक १९ वर्षीय पुरुषमा कोरोना देखिएको स्वास्थ्य मन्त्रालयका प्रवक्ता डा.विकास देवकोटाले जानकारी दिएका छन् । उनीहरु दुवै क्वारेन्टाइनमा बसेका थिए ।
रौतहटमा भेटिएका कोरोना संक्रमित १९ वर्षीय पुरुषलाई नारायणी अस्पतालमा लगिएको प्रवक्ता डा.देवकोटाले जानकारी गराएका छन् । रौतहटका कोरोनो संक्रमित युवा लक डाउनका बेला भारतबाट आएका थिए । खुला सीमाना भएकाले उनी १६ चैतमा नेपाल आएको बताइएकोछ । तर, उनी घर आउनासाथ गाउँलेहरूले क्वारेन्टाइनमा राखेका थिए । ती युवकमा दिल्लीमा मजदुरी काम गर्दै आएका थिए ।
